گُلزمین ءِ پُسّگ

کُشتگیں بَچانی داگ ءَ چہ ماساں جَست کَن

سُتگگیں باگانی ھال ءَ چہ یاساں جُست کَن

تو کہ پہ وشیں کلاتاں نِشتگ ءِ سَر پد نہ ئَے

زھریں تیرانی نِشان ءَ سرمچاراں جُست کَن

تو مَسیت ءَ کپتگ ءِ گوں ھُدا آں ھلوت ءِ

سُتگگیں لوگاں بلوچ ءِ چہ آساں جُست کَن

تو پہ مُلا دیم دئے گوشت ءُ پَس ءَ نام ءِ ھُدا

یک برے نام ھُدا شُد لاپیں برساں جُست کَن

وش ءُ آسودگ وتی زالانی بگلاں واب اِت ءَ

سرمچار ءِ پاسپانی ءَ شپ ءِ پاساں جُست کَن

مَرد پہ ماتیں وتن ساہ آں وتیگاں سَرگْوز اَنت

گُلزمین ءِ پُسگانی بیا اِے لاشاں جُست کَن

تو گوں شیراں جان شود مُلا منی واجہ منی

پِٹے آپ ءَ تلوسی راج ھُشکیں تاساں جُست کَن

ھانُل ءِ چّم ءَ شرابی رند بزگ بے وتیں

ھِچ ترا باور نہ کَنت آسکی چّماں جُست کَن

✍️ رند بلوچ

بهار آمد نظر بر سبزه و گل میتوان کردن...

ما را در سایت بهار آمد نظر بر سبزه و گل میتوان کردن دنبال می کنید

برچسب : نویسنده : cdarya-e-man9 بازدید : 164 تاريخ : جمعه 31 فروردين 1397 ساعت: 23:39