مئے مکُران

سرسبز ءُ شاتاپ اِے چّمن مئے مکُران مئے مکُران

گَنجانی واھَند مئے زمین مئے مکُران مئے مکُران

اَرواہ ءُ ساہ اِنت جان من ماتیں وتن ماتیں وتن

ِ ایمان ءُ پاکیں مئے وتن مئے مکُران مئے مکُران

وھدے دل نِیمون کَنت باگاں وتیگاں سیل کَنت

دل بود کَنت گو تئی سَمن مئے مکُران مئے مکُران

اِستار تْرپوکیں آزمان شان اَنت رژن ءَ پہ جھان

تھاریں شپانی ماہ ءِ من مئے مکُران مئے مکُران

اِے آسمی پُلانی بو تئی یاسمین ءِ رنگ ءُ بو

تئی باگ گُل نرمیں بدن مئے مکُران مئے مکُران

بیا تیس ءُ چاھَبار ءَ بِچار دریا پَسابندن تْوار

میر ھَمل ءِ مُلکیں کُھن مئے مکُران مئے مکُران

نوک آپ ھم مئے زمزمیں شَند اَنت ھم کوہ تلار

مئے پیروکی میراس ھَن مئے مکُران مئے مکُران

اِے ڈاکءُ اِے جوآنی آپ باگانی سبزیں تئی کِشار

اِے کَور ءُ کیلّگ تئی مَزن مئے مکُران مئے مکُران

بیا رند پَدا دیوان کَنیں گاریں کلات ءَ دَز گِریں

زِندگ بمان اِیت اِے کَرن مئے مکُران مئے مکُران

رند بلوچ

بهار آمد نظر بر سبزه و گل میتوان کردن...

ما را در سایت بهار آمد نظر بر سبزه و گل میتوان کردن دنبال می کنید

برچسب : نویسنده : cdarya-e-man9 بازدید : 158 تاريخ : جمعه 31 فروردين 1397 ساعت: 23:39