وتی راج

  درامدانی تھاں  کس ءَ  دوست ءُ یار نگُشاں

   زمین ءُ  ھُشکیں  تلار ءَ  کس  ڈگار نگُشاں

  وتی  رگ ءَ  تو  مہ بُر،   مہ  سند  چہ راج ءَ

   بچار   بُرتگین   بند ءِ     بند ءَ   آبدار نگُشاں

  تو دست ءَ  ھُونیں مکاں چہ ناتپاکی ءِ زام ءَ

   چوشیں برات کُش ءَ ڈیھہ سرمچار نگُشاں

  زبان  دوست    زریں     پہ    مادری  گال ءَ

   دگر  زُبان ءَ  وتی  شعر ءِ   شاھکار نگُشاں

  بہ سند   پُل  ءُ گلاب ءَ  همیں  وتی  باغ ءَ

   ڈگار آپ  سرا ھُشکیں درچک ءُ  دار نگُشاں

  شراب ءِ  زاریں  گلاس ءَ  تو  رند  نوش بکاں

   کہ  زاریں  دارو  ءُ   درمان ءَ  مار  زار نگُشاں

 -رند بلوچ