زندگی

  زندگی باریں تو گوں ما چوں کُتاں

                    دل  مئے  رُرتگ  وتی  لیبوں کُتاں

  مئے  سر ءَ نہ  رھّم  تو بزگ نکُت

                    اِے جّگر سوتکگ کباب ءُ کوں کُتاں

  مرگ گِلاہ ءَ  چتوں  گوں  تو کناں

                    زندگی تو وت منی دل ھُوں کُتاں

  وَھد درداں چوں منی درمان کاں

                    وھدے کہ  درداں ترا  رندوں کُتاں

  زندگی مرگ ءَ گوں اَهد ءُ کول کَنت

                    ھُمر گام ءَ چوں وت ءَ آھوں کُتاں

  بیا کہ رند  بار ءَ  بہ بندیں ما وتی

                    بیوپا زند ءَ  کہ روگیں  شوں کُتاں

 -رند بلوچ