وتن وتن مئے ساہ ءُ جان
کربان جان وتن تَئی
من ءَ کُشیت چمن تئی
دل ءِ کرار سمن تئی
مئے چّم روک ڈن تئی
کناں تئی وسپ ءَ من بیان
وتن وتن مئے ساہ ءُ جان
کشار مئے گلزمین ءِ وش
کہ چارگ ماہ جبین ءِ وش
اوں بوں یاسمیں ءِ وش
نندگ وتی زمیں ءِ وش
بھشت ءُ باگ زندگی روان
وتن وتن مئے ساہ ءُ جان
ماتیں وتن مئے سبز بات
دل ءِ ڈگار ءَ شنز بات
بلوچی گال ءُ لبز بات
چو سرمچار ءِ دنز بات
بلوچ ءِ نام داں آژمان
وتن وتن مئے ساہ ءُ جان
دل ءَ مہ کپ بھار کیت
پداں مئے وشیانی ھار کیت
دلانی رپتگیں کرار کیت
بلوچ ءِ وھد ءُ دار کیت
بہ بیت وتن امان امان
وتن وتن مئے ساہ ءُ جان
رند بلوچ
بهار آمد نظر بر سبزه و گل میتوان کردن...
برچسب : نویسنده : cdarya-e-man9 بازدید : 218