آخرین مطالب
امکانات وب
ھانی ے بیا کول ءُ اکرار ءَ بچار
شئے مُرید ءِ سِستگیں مار ءَ بچار
دل گنوکیں کار کنتیں اَشک ءِ
اَشکانی وت سریں کار ءَ بچار
دوست وت مارا کُشتیں سد براں
مرچگیں بیا دوست ءُ گموار ءَ بچار
بشی جمبر چو کہ چم ءَ آپ داں
چم آرس ءِ دور سریں ھار ءَ بچار
ھُون دل ماں گُلیں باگ ءَ تچیت
بلبل ءِ پریات بیا گُلزار ءَ بچار
دژمن ءَ دیماں وت ءَ مّھرم کُتگ
مّھرمانی کار بیا کردار ءَ بچار
زندگی گوں ما سپر کنت کاروان
کاروان ءِ بستگیں بار ءَ بچار
رند وتی درد ءَ دلیگاں پوش کن
درد واریں سَنگت ءُ یار ءَ بچار
رند بلوچ
برچسب : نویسنده : cdarya-e-man9 بازدید : 147