آخرین مطالب
امکانات وب
شُتے تو آزمــــــــــــــــــان ءَ بے توار ءَ
منی دل تئ گـــــــــم ءَ ریشیں بھار ءَ
تئی روگاں منی دُنیـــــــــــا تباہ بیت
جَگر سوتک ءُ کباب بیت ھمچــــو دار ءَ
نزانا زِنـــــــدگی مئے چون گْوزان اِنت
کَـــــــــــدی بیت من بیاھاں تئ دوار ءَ
نہ گنداں تئ وڈیں گَمـــــوار جھان ءَ
من ءَ تـــــــــــــو یات کایں بے شمار ءَ
تئی مِھــــــــرانی کِسہ ءَ د٘ٔراج کَشیں
گُشے مِھـــــــــــرانی دریا اِیت پہ مار ءَ
وتی زِنـــــد تو گم ءُ اندوں گْوازینت
کہ ما آسودگ بہ بئے دُنیــــــاے شھّر ءَ
دل ءِ باگاں منی گاں پُلی اِیت مـــات
دل ءِ پُل اوں گمـــــــــــــانی بُرت ھار ءَ
چِتــــــــــو بال کوں شُتے تو آزمان ءَ
گُشے باد ءِ سَبـــــــــــــاھاں جان دار ءَ
داں وھّـــــــدے زندگ ءَ من رند دائم
کنــــــــــــــــاں مات ءَ دل ءَ من یادگار ءَ
رند بلوچ
برچسب : مرھومہ,مِھَربانیں, نویسنده : cdarya-e-man9 بازدید : 168