ماتیں وتن پادار بیت

   دلمانگ ءُ   دل   وار    بیت    آزاتی ءِ   ھک   دار بیت

   زُلمانی    بازیں   سگگ ءَ   بے   وار بیت بے وار بیت

   اوپار ءُ   سبر ءَ    دژمن ءِ   دم  بُرت  بلوچیں  مِھتراں

   پادار  نہ  بنت  دگرانی   مُلک  ماتیں   وتن  پادار بیت

   دگرانی رَند ءَ  کے  کپیت  نا  گوں  درامد دوست بیت

   سَکی ءِ  واھد ءَ   برات   وتی  گموار  بیت گموار بیت

   ھُشک ءَ  مئے  باگ ءُ ڈگار ھُشکیں مئے اے سبز زار

   نوں   جمبر ءَ   بیا اِیت    شلے    بلی  وتن گُلزار بیت

   یل  داتگاں  ما رسم ءُ  دود  شھّدیں  بلوچی  ما وتی

   دگرانی  رسم ءُ  دود ءَ  بچیک روچے کیت بے زار بیت

   داں  کے  نہ کشے  زھمتے  وشی  نہ گندے زندگ ءَ

   آزاتی ءِ  ھون ءُ    جَگر    گوں   نوشگ ءَ   تامدار بیت

   گوں ھِمت ءُ  گوں  زھرگ ءَ آ کس کہ کار ءُ جُھد کَنت

   یک  روچے  کیت  گندے  ھمے آسودگ ءُ سردار بیت

   آ کے وتی  بْرات ءَ  کُشیت  سندی وت ءَ چہ ھمبلاں

   راج ءَ  وتی  دل  پُروش    کَنت   باج  نہ باں آ وار بیت

   کمزور نہ باں من چہ گماں گْرانیں گم ءُ سَد مُشکلاں

   بس   گُلزمین ءِ  گریواگ ءَ   رند   پہ   وتن  بیمار بیت

   رند بلوچ