میر ءُ وتن دوست وار باں مُلا اگاں سردار باں
اِے جَنت ءِ دُمباں تَچاں چہ گُلزمین بیزار باں
شیدائے ھور ءُ لِزت ءَ اِشک ءَ بِھشت ءِ بے وتاں
بیگواہ چہ جِندءَ وتی اِے گوں کیاں گموار باں
دوزَک کُتگ دُنیاں مئے گوں جَنت ءِ کُولءَ کرار
یل داتگیں ماتیں وتن گوں آزمان ءَ یار باں
مُلا ءُ مَلوک ءَ بَچار, مُلا چوں شاہ مَلوک گَداں
مَلوک ءِ باگ ویران بیت مُلا پہ وت سَربار باں
روباہی مَکراں بَل وتی مَردم نیاں میش ءُ پَس ءِ
اچ گوں وتی مَکر ءُ پَریپ پہ ھاکمی دِلوار باں
نَسیَت مَکاں مُلا من ءَ ماتیں وتن مئے جَنت ئے
اِے گُلزمین مئے مَزھب ءِ پہ سرڈگارءَ شار باں
درداں گوں درمان سازگ ءِ رند ءَ بچار دِلمانگ ءِ
پہ دِلبرے دیداری ءَ مَدھوش باں من گار باں
رند بلوچ
برچسب : نویسنده : cdarya-e-man9 بازدید : 142