وتی رسم ءُ وتی دود ءُ رواج

درامدانی تھاں کس ءَ دوست ءُ یار نگُشاں

کہ ھُشکیں زمین ءُ تلار ءَ کس ڈگار نگُشاں

وتی رگ ءَ تو مہ بُر، مہ سند چہ راج ءَ

بچار بُرتگین بند ءَ آبدار نگُشاں

تو دست ءَ ھُونیں مکاں چہ ناتپاکی ءِ زام ءَ

چوشیں برات کُش ءَ ڈیھہ سرمچار نگُشاں

زبان دوست زریں پہ مادری گال ءَ

اِیداں بچار کہ ھر شعر ءَ شاھکار نگُشاں

بہ سند پُل ءُ گل ءَ چہ وتی باغ ءَ

گلاب ءُ ھاسمی ءَ ھُشکیں درچک ءُ دار نگُشاں

شراب ءِ زاریں گلاس ءَ رند نوش بکاں

کہ زاریں دارو ءُ درمان ءَ مار زار نگُشاں

رند بلوچ