ماتیں زُبان

ھَمبل ءُ بیلاں بلوچی بوان اِت ءَ

شیرکِنیں لَبز ءَ وتی پَجّار اِت ءَ

مئے بلوچی مئے وتی ماتیں زُبان

بیا وتی ماتیں زُبان ءَ دار اِت ءَ

شھسَسّا نَدکار سَیَد ھاشمی

سیدگنج ءَ مئے بلوچی چار اِت ءَ

شُشت ءُ پالاتی زبان پَلگارِتی

لَبزبَلَد سید ءِ کتاب ءَ بیار اِت ءَ

کَنت بیان مُلا وتن درد ءُ گم ءَ

بُلبُل آں جی آر مُلا نار اِت ءَ

چہ وتی شھّدیں زُبان پَد مَنتگیں

گَپ ءُ آپ آں پارسیءِ تہ گار اِت ءَ

بے زُبان اَنت بے زُبانی بَزّگی

یل مَدے ماتیں زُبان ءَ سار اِت ءَ

رند گَنوکیں پہ وتی ماتیں زُبان

کہ وتی ماتیں زُبان اپار اِت ءَ